កំពង់ស្ពឺ,ដោយអនុវត្តតាមបទបញ្ជា និងមានការចង្អុលបង្ហាញពី លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺកាលពីថ្ងៃទី១០ ខែមិថុនា ឆ្នាំ២០២៥ នាវេលាម៉ោង២០:៣០នាទី កម្លាំងមូលដ្ឋានកងរាជអាវុធហត្ថក្រុងច្បារមន បានចេញល្បាត តាមបណ្តាយផ្លូវលេខ១០៥A ដល់ចំនុចផ្លូវខាងលិចរបងសាលាខត្តកំពង់ស្ពឺ បានឃាត់ខ្លួនជនសង្ស័យ០២នាក់ ករណីកាន់កាប់អាវុធដោយខុសច្បាប់ ស្ថិតនៅភូមិទួលគក សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ៕
ជនសង្ស័យទី១-ឈ្មោះ ហ៊ុយ វាសនា អាយុ២៤ឆ្នាំ មុខរបរកម្មកររោងចក្រ រស់នៅភូមិតាព្រះ ឃុំមហាសាំង ស្រុកភ្នំស្រួច ខេត្តកំពង់ស្ពឺ និងទី២-ឈ្មោះ ចំរេីន ផាត់ថៃយ៉ា ភេទប្រុស អាយុ១៧ឆ្នាំ មុខរបរមិនពិតប្រាកដ រស់នៅភូមិក្រាំងដូង ឃុំមហាសាំង ស្រុកភ្នំស្រួច ខេត្តកំពង់ស្ពឺ។
ដោយដកហូតវត្ថុតាងបានរួមមាន៖ ទូរស័ព្ទចំនួន០១គ្រឿង,ម៉ូតូចំនួន០១គ្រឿង ម៉ាកBEAT (ពណ៌សគ្មានផ្លាកលេខ),សោររាងអក្សរ(T)ចំនួន០១,សោរតភ្ជាប់ជាមួយដងស្លាបព្រាចំនួន០១,កាំបិតប័ង្គតោចំនួន០១ និងសំបកកញ្ជប់គ្រឿងញៀនដែលប្រើប្រាស់រួច០១កញ្ជប់តូច។
បច្ចុប្បន្នជនសង្ស័យ រួមនឹងវត្ថុតាងត្រូវបានកម្លាំងជំនាញមន្ទីរស្រាវជ្រាវនិងបង្រ្កាបបទល្មើស នៃបញ្ជាការការដ្ឋានកងរាជអាវុធហត្ថខេត្តកំពង់ស្ពឺ កសាងសុំណុំរឿងបញ្ជូទៅសាលាដំបូងខេត្តកំពង់ស្ពឺ ដើម្បីចាត់ការតាមនីតិវិធី៕
