ថ្ងៃ២០ មិថុនា ឆ្នាំ ១៩៧៧ ជាថ្ងៃប្រវត្តិសាស្ត្រសម្រាប់កម្ពុជា ជាថ្ងៃចាប់ផ្ដើមឆ្ពោះទៅការផ្ដួលរំលំរបបប្រល័យពូជសាសន៍ខ្មែរក្រហម។ ថ្ងៃប្រវត្តិសាស្ត្រនេះ ជាការចាកចេញពីមាតុភូមិ ដោយយកអាយុជីវិតជាដើមទុន របស់សម្ដេចតេជោ ហ៊ុន សែន និងសមមិត្ត ៥រូបផ្សេងទៀត ដើម្បីទៅស្វែងរកជំនួយពីប្រទេស វៀតណាម មករំដោះកម្ពុជាចេញពីរបបប្រល័យពូជសាសន៍។ ព្រឹត្តិការណ៍ប្រវត្តិសាស្ត្រនេះ ត្រូវបានយុវជន មើលឃើញថា ជាគំរូវីរៈភាពដ៏ធំធេងសម្រាប់ប្រទេសជាតិកម្ពុជាទាំងមូល។
