ឯកឧត្តម ហ៊ុន សុខា ទីប្រឹក្សាសម្តេចតេជោ អញ្ជើញជាអធិបតី ក្នុងអង្គមិទ្ទិញអបអរខួបលើកទី៤៦ នៃទិវាជ័យជម្នះ ៧មករា នៅឃុំអង្គភ្នំតូច….

ខេត្តកំពត ៖ ឯកឧត្តម ហ៊ុន សុខា ទីប្រឹក្សាសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានក្រុមការងារចលនាកសាងសមាជិកគណបក្សនៅមូលដ្ឋានខេត្តកំពត អញ្ជើញជាគណៈអធិបតីដ៏ខ្ពង់ខ្ពស់ ក្នុងអង្គមិទ្ទិញអបអរខួបលើកទី៤៦ នៃទិវាជ័យជម្នះ៧មករា នៅឃុំអង្គភ្នំតូច ដោយមានការអញ្ជើញចូលរួមពី លោក មួង នឿន អភិបាល នៃគណអភិបាលស្រុកអង្គរជ័យ លោកជំទាវ ភុំ ផាន់ណាវី ឯកឧត្តម ឱម ម៉ាក់ធារី លោកប្រធានក្រុមការងាររាជរដ្ឋាភិបាលចុះជួយ និងមន្ត្រីរាជការក្នុងស្រុកអង្គរជ័យ កងកម្លាំងទាំងបី ក្រុមគ្រូពេទ្យ ព្រះសង្ឃ និងប្រជាពលរដ្ឋ ព្រមទាំងសិស្សានុសិស្ស ចំនួន៥២៧ អង្គ/នាក់ នាព្រឹកថ្ងៃទី១៨ ខែមករា ឆ្នាំ២០២៥នេះ នៅឃុំអង្គភ្នំតូច ស្រុកអង្គរជ័យ ខេត្តកំពត។
ជាកិច្ចចាប់ផ្តើម(គណៈអធិបតី) ឯកឧត្តម ហ៊ុន សុខា បានឡើងអានសន្ទរកថា របស់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងសំណេះសំណាលដល់អង្គមិទ្ទិញទាំងមូល និង ពិនិត្យចំពោះសំណើរស្នើសុំអំពីភាពខ្វះខាតរបស់អាជ្ញាធរមូលដ្ឋាន។
កិច្ចបន្ទាប់លោកស្រី ថុន ស្រីពៅ បានឡើងថ្លែងចំណាប់អារម្មណ៍តំណាងឱ្យអង្គមិទ្ទិញទាំងមូល និងថ្លែងអំណរគុណដល់ គណៈអធិបតី និង គណៈប្រតិភូអមដំណើរទាំងអស់ ដែលបានចំណាយពេលវេលាដ៏មានតម្លៃ អញ្ជើញជាគណៈអធិបតីក្នុងមិទ្ទិញអបអរខួបអនុស្សាវរីយលើកទី៤៧ នៃទិវាជ័យជម្នះ៧មករា នៅឃុំអង្គភ្នំតូច ស្រុកអង្គរជ័យ ខេត្តកំពត នាពេលនេះ។
ឯកឧត្តម ហ៊ុន សុខា បានប្រគល់នូវអំណោយរបស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន តាមរយៈ ឯកឧត្តម ភឺន ផល្លា ជំនួយការផ្ទាល់របស់សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា មានដូចជា៖
– អាយកូម ២៥គ្រឿង
– សម្លៀកបំពាក់ប្រជាការពារ ២៥កំប្លេ
– កុំព្យូទ័រយួរដៃ (Laptop) ចំនួន០១គ្រឿង
– កុំព្យូទ័រដែសថប (Desktop) ចំនួន០២គ្រឿង
– ម៉ាស៊ីនព្រីនធ័រ (Printer) ចំនួន០២គ្រឿង
ជាចុងក្រោយ ឯកឧត្តម ហ៊ុន សុខា ក៏បានឧបត្ថម្ភដល់ប្រជាពលរដ្ឋ សិស្សានុសិស្ស ប្រជាការពារ ចំនួន៤៥០នាក់ ក្នុងម្នាក់ទទួលបានថវិកា ០២ម៉ឺនរៀល, លោកគ្រូអ្នកគ្រូពេទ្យ ចំនួន០៦នាក់ ដោយម្នាក់ៗទទួលបាន ០៤ម៉ឺនរៀល ព្រមទាំងមន្ត្រី កងម្លាំង មន្ត្រីរាជការក្នុងស្រុកក៏ទទួលបានប្រាក់ឧបត្ថម្ភពី ឯកឧត្តម ផងដែរ។